احلى
Admin
عدد الرسائل : 188
تاريخ التسجيل : 27/04/2007
 | موضوع: أنشــودة رااااااائعـة : يـــا يـمـــه للمنشد سعد الطلحة  الخميس مايو 03, 2007 5:55 pm | |
| 
[size=18]السلام عليكم و رحمة الله و بركاته
هذه أنشوووودة رااااااائعة للمنشد سعد الطلحة مع الكلمات
القلب يحزن.. والمدامع غزيره=في جوفي نارٍ.. من لهبها تبكيت
والدارظلمه ..كانت أمي تنيره=يايمه وينك من دونك خلى البيت
قلبي تفطرعلى الفرقاءالمريره=آمنت بالله وباأقداره ترضيت
الموت حقٍ وكلن له مصيره=وموت النبي قبلك يايمه تعزيت
هذا جلالك وريحك في عبيره=كل يوم أشمه ولاشفته تهنيت
صوتك يايمه يامحلا أثيره=حنانك يمــه يخليني تدفيت
يايمه منهوأجيله وأستشيره=يعدلني لاشفت الصواب وتنَحّيت
يوم كنتي عندي.. وكني امير ديره =كلن يناديني يقول لي تغليت
يوم رحتي يمه.. وكني في جزيره =وحيد فيها عن الناس تواريت
يايمه كلن يناظرلي بحيره=من يوم رحتي وأنا اللي ماتواسيت
اجيل ويخفي وقت الظهيره = محدن سأل عني يقولي تغديت
وابيت ليلي وعيوني سهريه = كم من ليالي نايم ما تعشيت
ظروفٍ يمه تواجهني عسيره = الشكوى لله بظروفي تعنيت
ياكم تعلم من معاني غزيره=يامنهل التعليم منك تربيت
كم قصةٍقلتي وللماضين سيره=ولاجيت عندك سواليفك تسليت
اااه يايمه النظرات الإخيره=مليت كفي ترابٍ ثم حثيت
اه يا يمه من نظرات اخيره = مليت كفي تراب ثم حثيت
أبشري يمه بدعواةٍ كثيره=كل ماذكرتك ولرحمن صليت
أبشري يمه بدعواةٍ كثيره=كل ماذكرتك ولرحمن صليت
القلب يحزن والمدامع غزيره=في جوفي نارٍ.. من لهبها تبكيت
http://epda3.net/iv/download.php?ID=2015&type=mp3[/size]
 | |
|
الرئيسية 
التسجيل 
دخول